كنت بفكر

النهاردة كنت بفكر فى الفرق بين سمبا الأسد الملك والسمكة نيمو
ان فى الوقت اللى سمبا شك ان هو السبب فى قتل ابوه وبكى وقرر يهرب
ورضى يعيش بعيد عن ملكه لمجرد الاحساس بالذنب والخوف من مواجهة امه والعائلة
ورضى كمان ياكل الدود والحشرات
على العكس من كدا عمل نيمو
اللى كان اصلا سمكة صغيرة وزعنفته ضعيفة
ومع ذلك كان عنده طموح أنه يلمس اليخت ويروح بعيد
وحتى لما اتخطف وسط المحيط الكبييييييييييييير اوى
فضل يحلم انه يرجع لباباه
ومرر بظروف صعبه وهو بيهرب من حوض السمك كان ممكن يموت فيها
وبردوا فضل يحاول
حتى ان الحظ ساعده وقدر يرجع للمحيط اللى مايعرفش فيه حد
ولا طريق اكيد يوصله لبيته
دايما بفتكر صوته فى ودانى وهو حيران فى المحيط وبيعون بسرعو وعمال ينادى
باااااااااااابااااااااا
بااااااااااااابااااااا
ويسأل السمك
حد فيكم شاف باباى

كان شبه بالظبط بس اكبر

هو كان متأكد أنه هيلاقى باباه فغامر
ولا كان بيغامر عشان اصلا باباه موجود
والاسد رغم قوته انسحب لان باباه ميت
ولا هو مكنش يعرف كتير عن قوته كأسد

أنا بسأل نفسى دايما أنا مين فيهم
الاسد اللى مات ابوه فرضى بضعفه وذله
ولا السمكة ام زعنفه ضعيفه بس بتحب الحياة والمغامرة وعارفة انها هتلاقى باباها

انا مين
سمبا ولا نيمو

بالمناسبة بحب نيمو وطريقته وهو بيعرف نفسه بيها مقلش غير كلمتين: أنا نيمو

رحاب الطحان
0120479875